Реализация проекта "Школа Минпросвещения России"
https://www.youtube.com/watch?v=hUYOeEbvLo0

YouTube

Реализация проекта "Школа Минпросвещения России"

В рамках межмуниципального взаимодействия между Ножай-Юртовским, Курчалоевским и Гудермесским районами, инициированного министром образования и науки Чеченской Республики Дааевым Хож-Бауди Буаровичем, 21 мая 2024 года на базе МБОУ «СОШ с.Беной-Ведено» состоялся…

Нохчийн Республикин дешаран а, Ӏилманан а министерствон омрица хӀутосург баттахь йукъардешаран хьукматийн 4 классашкахь дӀахьош бу Йерригроссин талламан белхан (ВПР) кепехь нохчийн меттан Регионан талламан болх (РТБ). И болх дӀабахьарехь оьшу талламан лараран коьчалш а, маххадоран критереш а, иштта методикин хьехамаш а хӀиттийна Нохчийн меттан институтан дешаран-методикин кхачойаран центро.

Нохчийн меттан Регионан талламан болх шина декъах лаьтта:

– 1-чу декъо чулоцу 3 тӀедиллар (диктант а, йазйинчу текста тӀехь           2 тӀедиллар а);

– 2-чу декъо чулоцу 12 тӀедиллар, царна йукъадогӀу талламан лараран коьчал тӀехь йешарна леринчу текстана 9 тӀедиллар а.

Тахана, хӀутосург беттан 16-чу дийнахь, Нохчийн Республикин йукъардешаран хьукматийн 4 классийн дешархоша кхочушдира Регионан талламан белхан 1-ра дакъа.

Билгалдаккха деза, нохчийн меттан Регионан талламан болх кхочушбан безаро жоьпалла совдоккху хьехархойн а, дешархойн а, ткъа иштта дайн-нанойн а.

Ровно 21 год назад в ходе Референдума, инициированного Героем России Ахмат-Хаджи Кадыровым (Дала г1азот къобалдойла цуьнан!), был принят Основной закон Чеченской Республики. Он стал отправной точкой огромной работы по ее возрождению.
Весь чеченский народ проголосовал за единство с Россией, созидание и счастливое будущее подрастающего поколения.
Это решение определило не только судьбу республики, Северного Кавказа, но и России в целом, явилось доказательством единства многонационального народа большой страны.
Сегодня наша республика динамично развивается и уверенно идет вперед. В этом несомненная заслуга Главы региона, Героя России Рамзана Ахматовича Кадырова, его команды и всего трудолюбивого чеченского народа.
Желаю дальнейшего процветания, благополучия и новых достижений на благо Республики!
Дала т1аьхье беркате йойла вайн!

2024-чу шеран бекарг беттан 19-чу дийнахь Нохчийн меттан институтан дешаран-методикин центран Ӏилманан белхалоша Гуьмсан муниципальни кӀоштан дешаран отделан методикица кхачойаран кабинетан говзанчашца цхьаьна Ойсхара гӀалин № 1 йолчу йуккъерчу ишколехь дӀайаьхьира «Нохчийн меттан пачхьалкхан коьртачу экзаменна кечамбаран дикалла а, йешаран тӀегӀанан дикалла а лакхайаккхар, меттан функцин говзалла кхоллар» цӀе йолу семинар-практикум.
Нохчийн меттан, литературин хьехархочо Дудулаева Мохьмадан Мадината 8-чу классехь дӀайаьхьра «Цхьанатайпанара а, цхьанатайпанара боцу а къастамаш» цӀе йолу урок.
Нохчийн меттан литературин хьехьархочо Арцуева Бекин Луизас 9-чу классехь дӀайаьхьра «Хамидов Ӏабдул-Хьамидан «Лийрбоцурш» пьеса» цӀе йолу урок.
Семинаран декъашхоша лаккхара мах хадийра хьехархоша дешархошца цхьаьна къахьоьгуш биначу мехалчу белхийн. Хьехархоша дӀайаьхьначу урокашкахь къаьсттана къоначу семинаран декъашхошна схьаэца, шайн балха тӀехь пайдаэца дуккха а хӀума дара. Урокаш вайзаманан урокан лехамашца йогӀуш а, методикин агӀор нийса а хӀиттийна йара.
Хьехархоша деллачу хаттарша жоьпаш а луш, ишколан куьйгалхошна а, хьехархошна а баркалла а аьлла, семинар йерзийра методикица кхачойаран кабинетан методиста Салманиева Султанан Индирас а, Нохчийн меттан институтан дешаран-методикин центран куьйгалхочо Абдуразаков ИбрехӀиман Шертбека а.

Бекарг беттан 19-чу дийнахь, Нохчийн меттан институтехь дIайаьхьира Нохчийн Республикин Мехк-Да волчохь йолчу нохчийн мотт ларбаран, кхиоран Экспертийн советан белхан тобанан рогIера кхеташо.

Бекарг беттан 14-чу дийнахь Нохчийн меттан институтехь дIайаьхьира нохчийн литературин хьехархошца семинар. Семинаран Iалашо йара 10-11-чу классийн керлачу нохчийн литературин Iаматашна йукъайахана говзарш йовзийтар, йийцаре йар. Семинар дIахьош вара филологин Iилманан кандидат, доцент, нохчийн филологин лабораторин куьйгалхо, 11-чу классан Iаматан автор Расумов Ваха. Семинарехь дакъалецира 10-чу классан нохчийн литературин Iаматан авторша Халкъан йаздархочо Ахмадов Мусас, Алиева Заринас, иштта Нохчийн меттан институтан дешаран-методикин центран куьйгалхочо Абдурзаков Шертбека а. Хьехархоша жигара дакъа а лоцуш, Iаматех лаьцна шайна хетарш, зиэделларш а дуьйцуш, беркате дIадаьхьира цхьаьнакхетар.

Бекарг беттан 14-чу дийнахь, Нохчийн меттан институтехь дIайаьхьира Нохчийн Республикин Мехк-Да волчохь йолчу нохчийн мотт ларбаран, кхиоран Экспертийн советан белхан тобанан рогIера кхеташо.

Тахана, кхолламан беттан 16-чу дийнахь, Нохчийн меттан институтехь дIахьош йу Нохчийн Республикин Мехк-Да волчохь йолчу нохчийн мотт ларбаран, кхиоран Экспертийн советан белхан тобанан рогIера кхеташо.