👋 Қазақстанның IT мамандарына үндеу!

Сәлем әріптестер!

Мен IT терминдердің Ағылшын-Қазақ сөздігін жасау үстіндемін. Алғашқы нұсқасы дайын, бірақ ілгері дамыту үшін бұл істе маған көмек аса қажет.

Біздің мақсатымыз - Қазақстанның IT саласының тілін Қазақ тілі қылу. IT-мамандар жұмысында Қазақ тілінде емін-еркін түсінісу, сөйлеу үшін Қазақ тілін заманауи технологиялар аясында өзекті әрі функционалды ету.

Жобаға аудармамен, білімімен көмектесуге дайын энтузиастарды іздейміз. Барлық ұсыныстар қаралады.

Бастамамызға қосылып Қазақстанның барлық IT-мамандары үшін негіз болатын сөздікті жасауға көмектесіңіз. Осы жазбаны қатысуға ниет білдірер әріптестеріңізбен бөлісіп қазақ тілін жоғары технологиялар әлемінде насихаттауға бірге атсалысайық!

Сөздіктің сілтемесі:
https://github.com/son-of-Altay/eng-kk-tech-dictionary

Атсалысқысы келетіндер үшін:
https://github.com/son-of-Altay/eng-kk-tech-dictionary/blob/main/CONTRIBUTING.md

GitHub

GitHub - son-of-Altay/eng-kk-tech-dictionary: IT терминдер бойынша Ағылшын-Қазақ сөздігі

IT терминдер бойынша Ағылшын-Қазақ сөздігі. Contribute to son-of-Altay/eng-kk-tech-dictionary development by creating an account on GitHub.

Сөз: Ерек
үстеу

Өзгеше, бөлекше, дара.
-
Исключительный, особый

Салақ, олақ, ойнасшы, керім-кербез,
Жыртаң-тыртаң қызылдан шығады ерек.
📖 Абай, Жігіттер, ойын арзан, күлкі қымбат

Бұл дүние кезек берер істі өңгелеп.
Онан қорқып, обырлық қоймасаң да,
Адам боп, хайуаннан болсаңшы ерек!
📖 Шәкәрім, Адамшылық

Биылғы Май бір бөлек,
Далаға шыққан.
Бақтарда өнген гүл де ерек.
📖 М.Мақатаев, Мәңгілік жастық

Адамға бүгін бағынған,
Қыр бейнесі өңді ерек
Шал көзіне шалынған,
Сыңсыған қайың, бәйтерек
📖 Т.Жароков шығармасынан

Дереккөз 1; Дереккөз 2

Бәріңе сәлем! Көрінбегелі қанша 🙈 содан бері әке атанып, сәл қол тимей кетті. Айып етпеңіздер!

Алайда бүгін де сөз жоқ 😬 Орнына жақсы танысымның, өз ісінің маманы тарапынан білім алам, заманауи технологияларды бағындарам, оған қоса соны қазақша үйренемін дейтіндерге керемет жаңалық алып келдім. Енді сол Ақжолтай бауырыма сөз берсек:

Достар, бізден сізге керемет жаңалық:
IT және робототехника мектебі - Alpha Study ашылғанын қуана хабарлаймыз! 🚀

🌟 Қазіргі таңда келесі курстарға тіркелу жүріп жатыр:
1️⃣ Frontend (ересектерге)
2️⃣ Python (ересектерге және балаларға)
3️⃣ Робототехника (балаларға)

IT саласын қазақ тілінде үйреніңіз! 🚀👩‍💻🤖
Барлық сұрақтар бойынша: 87780307826 (WhatsApp)
Instagram: https://www.instagram.com/alphastudy_kz/
Мекен жай: Абай, 143 (Гагарин көшесінің қиылысы)

Сүйінші! Қазақ тілі Telegram'да ресми тілдер қатарына қосылды. Әзірге iOS пен Android жүйелеріндегі қолданбасында және браузер (web) нұсқасында бар.

Telegram'ға қазақ тілін қосу үшін қолданбаның баптауындағы "Тіл" деген тармаққа кіріп, тізімнен "Қазақша" дегенді таңдайсыз.

Қазақ тілі Telegram'ға түркі тілдері арасында түрікше мен өзбекшеден кейін үшінші болып қосылды.

Бұған дейін Telegram'ның қазақшасы тек сілтеме арқылы beta нұсқа түрінде таратылған.

Telegram'ның негізгі аудармашысы Мұрат Кәрібайға (@translation_kk) және @QazaqGrammar мен @QazaqshaJaz'дағы барлық белсендіге алғыс білдіреміз.

Бүгін - Саяси қуғын сүргін және Ашаршылық құрбандарын еске алу күні.
Ұмытпаймыз.

Өткен аптада осы арнаға кірген адамдардың 27%-да ғана телеграмы қазақша тұр.

Телеграмды қазақшаға жылдам ауыстыру: https://t.me/setlanguage/kk-beta

#ҚазақшаТелеграмСтатистикасы #ҚазақшаТелеграм