التوازن رحلة
معرفتها سهله
تطبيقها هو التحدي
و احنا بشكل يومي نختبر هالتحدي
و باعتقادي لب تجربتنا هو هذا 💛

الذكاء و العقل اذا ماارتبط مع القلب يتحول لطاقه غير سليمة
يسموها Demonic energy
هو حالة عدم الاتصال بالقلب
او اعمق مراحل الانفصال

لان القلب هو بوصلتنا للروح
للاتصال بالحقيقة
و لأنوثتنا خاصة احنا كنساء

كل مرة نرجع بيها لقلبنا
اكو حكيم و مرشد راح يطلع من داخلنا
💜 حدسنا 💙

وكلما تمسكنا بالتفكير اكثر
حننخرط بطاقة ذكورية تخل توازنا و مارح توصلنا لشي صائب

لذا التوازن مهم 🤍
والتوازن من اهم المهارات الي تنظم حياتنا
و هو اكثر درس تعلمنا اياه الحياة

شلون نعيش متصلين بقلبنا
و بجسدنا
و نوظف تفكيرنا لخدمتنا للاتصال بذاتنا
بدون ان نصدك اي فكرة تاخذنا عن انفسنا 🧡💜💙❤️💚🦋

احب الناس الي اخلاقها حلوة
احس عدهم هالة رهيبة من الرفعة و العزة و التواضع نفس الوقت
احس شكد هم اقوياء لان هذبو نفسهم و حولولها من نفس ضعيفة الى نفس قوية متمكنة في الارض

احب الناس الي تفرح من تشوف سعادتي بوجهي بدون ماتسألني ليش
احب الناس الي تحب ضحكتي
احب الناس الي يهمهم اكون بخير
احب الناس الي يگولولي " شگد حلوة ضحكتج ابقي دوم ضحكي "

كنت داذكر نفسي بهالكلام و حبيت اذكركم بيه 💋

أنت هنا حتى تصنع طريق خاص بيك أنت
طريق مايشبه اي طريق اختاره غيرك
لذا لاتحط نفسك بمقارنات ماتخدمك
لاتزعل لو شفت حالك ماوصلت للي وصله شخص معين
دامك دتسعى
دام كل يوم دتاخذ خطوة جديدة إتجاه نفسك
ح توصل للمكان الي اجيت هنا علموده
لانك انت هنا
حتى تؤدي رسالة منفردة
بقيم خاصة بيك انت
فاللي يسعد غيرك
مو ضروري يصنع سعادتك
و سبيل نجاحهم
مو شرط يوصلك لنجاحك
لذا هدي بالك واتنفس
طمن قلبك
وكمل طريقك ع مهلك 💚

محبة دافية من گلبي الدافي هسه الكم 🫂🤍

مشتاقه ارجع ارسم
الله يهديني وارجع افعل الرسام الي بداخلي :)

صباح الخير
مادام نفسك موجود
مادام قلبك لسه ينبض
مادامت الحياة بعدها تدب بداخل جسدك
ف أنت ماتحتاج لسبب خارجي يخلي يومك خير
أنت الخير الكافي حتى تبدي يومك بخير .

اصنعه بطريقتك 💙🤍💚❤️🧡💜💛

اكو مكان بداخلك حر
بيه كل القوة الي تمكنك انك تمسك زمام امور حياتك و خياراتك
لكن اذا انت تشوف ان هالمكان مُحتل
فحتى لو راح هالمحتل
حيجي محتل اخر يسيطر عليه
حتى تثبت ان رؤيتك صحيحة
لان ببساطة احنا نجلب ادلة للافكار الي مصدكين انها حقيقة
تذكر ،
ان القصة قصتك انت
لاتخلي أحد يقنعك تشتري قصة ماتنفعك 💙