*👏Марлен Көшербай есімді 11-сынып оқушысы ерлігімен көзге түсіп, өзенге батып бара жатқан бүлдіршінді құтқарып қалды.*

12 мамыр күні сағат 11 шамасында Марленді қарындасы оятып, өзенге бір баланың батып бара жатқанын айтады.

Марлен бірден үйдің жанындағы өзенге қарай жүгіріп, суға батып бара жатқан бүлдіршінге көмекке ұмтылып, судан аман-есен шығарып алады. Бейбіт заманның батыры кішкентай баланың өлім мен өмірдің ортасында тұрғанын көргенде, ойланбастан көмекке ұмтылғанын айтады. Бүгін Марлен көрсеткен ерлігі мен батылдығы үшін Астана қаласы білім басқармасы мен ТЖ департаментінің атынан марапатталды.

@ztb_qazaq

*🇰🇿*😍Құран кітабын үш жыл бойы қолмен жазып шыққан Шейх Осман Тоһә Қазақстанға келді. Оны белгілі меценат Серікжан Сейтжанов Шымкент қаласының әуежайынан күтіп алды.**

Шейх Осман Тоһә 24 мамырда Сейітжан қари Есжанұлы рухани орталығының ресми ашылу салтанатына қатысады деп жоспарланып отыр.

Қарияның нақыштап көркем жазуымен көшіріліп басылған Құранның саны 500 000 000-ға жақындаған деседі.

Ол Сауд Арабиясында жыл сайын миллиондаған тиражбен басылып шығатын Құран кітабын және оның бірнеше тілдегі аудармасын қолмен жазып шыққан. Құран комбинатында қасиетті кітапты 70 тілге, соның ішінде қазақшаға да аударған.

90 жастан асқан каллиграф Сауд Арабиясында тұрады. Оның ұлты - қазақ. Осман Тоһәнің айтуынша, ол негізінен түркістандық қазақ екен.

@ztb_qazaq

*🇷🇺*🇰🇿Қазақстан Президенті Қасым-Жомарт Тоқаев Мәскеудегі Жеңіс шеруіне қатысты.**
Салтанатты шараға барлығы 9 президент қатысты: Қазақстан - Қасым-Жомарт Тоқаев, Ресей - Владимир Путин, Беларусь - Александр Лукашенко, Гвинея-Бисау - Умару Сисоку Эмбало, Куба - Мигель Диас-Канель Бермудес, Қырғызстан - Садыр Жапаров, Лаос - Тхонглун Сисулит, Тәжікстан - Эмомали Рахмон, Түркіменстан - Сердар Бердімұхамедов.

Армения премьер-министрі Никол Пашинян мен Әзірбайжан президенті Ильхам Әлиев Мәскеудегі Жеңіс шеруіне қатысудан бас тартты.

Естеріңізге сала кетейік, Қазақстандағы соңғы салтанатты әскери шеру 2018 жылдың 7 мамырында өтті. Ол кезде еліміздің президенті Нұрсұлтан Назарбаев болатын.

@ztb_qazaq