တိုက်ပွဲသတင်းထုတ်ပြန်ချက်

ဘော်လခဲမှ ဖားဆောင်းသို့ စစ်ကူလာသည့် ရန်သူ့စစ်ကြောင်းကို ကြားဖြတ် ချေမှုန်းတိုက်ခိုက်၊
ဗျုဟာမှုး ဒဏ်ရာရ
၂၀၂၄ ခုနှစ်၊ မတ်လ (၂၃) ရက်နေ့

ကရင်နီ(ကယား)ပြည်နယ်၊ ဘော်လခဲမြို့နယ်၊ ထူးချောင်းတပ်စခန်းမှ ဖားဆောင်းမြို့သို့ စစ်ကူပေးရန်လာသည့် ရန်သူ့စစ်ကြောင်းကို KA၊ KNDF၊ ကလလတ၊ အလယ်ပိုင်းတိုင်းစစ်ဌာနချုပ်၊ ကယား(ကရင်နီ) တိုင်းစစ်ဌာန PDFတပ်ရင်းများ အပါအဝင် ပြည်သူ့တော်လှန်ရေးတပ်များက ၂၀၂၄ ခုနှစ်၊ မတ်လ (၂၀) ရက်နေ့တွင် ကြားဖြတ် ချေမှုန်းတိုက်ခိုက်ခဲ့သည်။

ရန်သူ့စစ်ကြောင်းကို ဖားဆောင်းမြို့နယ်၊ ပါပုရွာအဝင် ပါပုသစ်ဆိပ် အနီးတွင် ချေမှုန်းတိုက်ခိုက်ခဲ့ခြင်း ဖြစ်ပြီး (၇) နာရီကြာ တိုက်ပွဲဖြစ်ပွားကာ ရန်သူ့တပ်မှ လေကြောင်းပစ်ကူနှင့်ဒရုန်းများ အသုံးပြုတိုက်ခိုက် ခဲ့သည်။

တိုက်ပွဲအတွင်း ရန်သူ့စစ်ကြောင်း၏ ဗျုဟာမှူး အပါအဝင် (၁၅) ဦး ထိခိုက်ဒဏ်ရာရရှိကာ (၁၆) ဦး သေဆုံး ခဲ့ပြီး (၁) ဦး ဖမ်းဆည်းရမိခဲ့သည်။

ရန်သူ့တပ်ထံမှ လက်နက်မျိုးစုံ (၅) လက်နှင့် ခဲယမ်းမီးကျောက်များ သိမ်းဆည်းရရှိခဲ့ကြောင်း အသိပေး ထုတ်ပြန်အပ်ပါသည်။

ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ