Давлат раҳбарининг ташаббуси билан мамлакатимиз бўйлаб кенг кўламда ўтказилаётган “Яшил макон” умуммиллий лойиҳаси доирасида Наманган вилоятининг барча ҳудудларида баҳорги дарахт экиш мавсуми жадаллик билан олиб борилмоқда. 

Жумладан, бугун Наманган вилоят прокурори Умирбек Мадрахимовнинг ташаббуси билан ушбу лойиҳа доирасида Уйчи туманидаги “Наманган” Давлат ўрмон ҳўжалигининг
5 гектар ер майдонида 1,5 мингдан ортиқ манзарали кўчатлар экилиб, янги
“Прокурор боғи” барпо этилди.

Мазкур тадбирда вилоят прокурори Умирбек Мадрахимов бошчилигидаги прокуратура органларининг барча ходимлари фаол иштирок этишди. 

Ҳозирда “Яшил макон” умуммиллий лойиҳаси доирасида амалий ишлар давом эттирилмоқда.

Бугун Наманган шаҳар прокурори Х.Адилов бошчилигида "Обод" МФЙ ҳудудида яшовчи фуқароларнинг электр-энергияси ва табиий газ таъминоти билан боғлиқ мурожаати юзасидан шаҳардаги “Обод” МФЙда мутасадди ташкилот раҳбарлари иштирокида аҳоли муаммолари ўрганилди.

Тадбир давомида аҳолига сифатли кўмир ҳамда суюлтирилган газ етказиб берилиши таъминланиб, газ сўрғичларидан фойдаланишга чек қўйиш ҳамда электр таъминоти сифатини яхшилаш мақсадида трансформатор қўйиш масаласи ҳал этилди.

Ҳалқ депутатлари Наманган туман Кенгашининг 53-сессияси бўлиб ўтди.

Сессия кун тартибида қуйидаги вазифалар кўриб чиқилди:

Жумладан, туман прокурори Х.Шухратжонов томонидан қонунийликни мустаҳкамлаш ва жиноятчиликка қарши курашиш борасида 2023-йилда амалга оширилган ишлар юзасидан ҳисоботи ўқиб эшиттирилди.

Шу каби, Ўзбекистон Республикаси Президентининг 2023-йил 11-сентябрдаги “Ўзбекистон - 2030” стратегияси тўғрисида”ги ПФ-158-сонли қарори ижросини таъминлаш ҳамда туманни ижтимоий-иқтисодий ривожлантириш борасида 2023-йил давомида туманда амалга оширилган ишлар ҳақида ҳам сўз юритилди.

Бундан ташқари, Халқ депутатлари Наманган туман Кенгаши, унинг доимий комиссиялари ва котибияти томонидан амалга оширилган ишлар муҳокама қилиниб, 2024-йил иш режасини тасдиқлашга таклиф киритилди.

Масалалар юзасидан масъулларнинг ахборот ва ҳисоботлари эшитилиб,  муҳокама этилди. Қизғин баҳс-мунозараларга бой ўтган сессия якунида Халқ депутатлари Наманган туман Кенгашининг тегишли қарорлари қабул қилинди.