⚡️БЕЛАРУСКІ ДОМ ЗАПРАШАЕ НА МЕДЫЯ ТРЭНІНГ!

ДЗЕ? - у Лодзі (Польшча)
КАЛІ? - 18-21 ліпеня
КОШТ УДЗЕЛУ? - бясплатны + арганізатары аплочваюць праезд удзельнікаў, пражыванне і харчаванне падчас трэнінгу
ХТО МОЖА ПРЫМАЦЬ УДЗЕЛ? - беларусы, якія на дадзены момант жывуць у Польшчы, цікавяцца працай медыяў, актыўна вядуць сацыяльныя сеткі/ працуюць ці хочуць працаваць у беларускіх медыях/навучаюцца зараз (альбо ўжо скончылі) факультэт журналістыкі
ТЭМЫ ТРЭНІНГУ? - Прапаганда, спосабы маніпуляцыі ў медыях, Fake News, крытычнае мысленне, уплыў СМІ на грамадскую думку і шмат інш. (падрабязная праграма з'явіцца ў хуткім часе)
ШТО ВЫ АТРЫМАЕЦЕ ПАСЛЯ ЗАКАНЧЭННЯ ТРЭНІНГУ? - акрамя ўнікальных ведаў і досведу, кожны ўдзельнік атрымае дыплом. Самыя актыўныя і песпектыўныя ўдзельнікі атрымаюць рэкамендацыі ад арганізатараў для атрымання працы (ці практыкі) у беларускіх СМІ.

🙋‍♀️Каб прыняць удзел, запоўніце АНКЕТУ

Беларусы і беларускі, З Днём Волі вас! 106 гадоў таму ў Мінску была абвешчана незалежнасць БНР! 🤍❤️🤍

Зычым быць адданымі сваёй Радзіме і працаваць, каб яна стала сапраўды вольнай, незалежнай і еўрапейскай дзяржавай!

Нягледзячы на свята, не забываймася на тысячы палітвязняў, які знаходзяцца за кратамі. Напрыклад, сёння спаўняецца 3 гады з дня арышту Андрэя Пачобута, гарадзенскага журналіста, сябра Саюза палякаў на Беларусі. Ён асуджаны на 8 гадоў пазбаўлення волі.

📩Будзем салідарныя з Андрэем Пачобутам! Падтрымаем яго думкамі і лістамі!

📍Адрас: ПК №1 вул. Тэхнічная д. 8, 211445, Наваполацк, Віцебская вобл.
Беларусь Пачобут Андрэй Станіслававіч

⚡️У Беларускім Доме святкаванне Дня Волі-2024 распачалося з лекцыі Зянона Пазняка “106-я гадавіна незалежнасці БНР. Гістарычная роля і значэнне”.

Далучайцеся да прагляду онлайн, каб даведаецца пра гісторыю нашага вялікага нацыянальнага свята і яго значэнне для незалежнасці Беларусі і беларусаў.

👀ГЛЯДЗЕЦЬ

“Калі я злуюся і крычу, значыць мне патрэбна твая дапамога” — тэма новай сустрэчы Клуба псіхалагічнай падтрымкі для жанчын.

Як змена ладу жыцця і ўнутраная напруга ўплываюць на сямейныя адносіны, дзе шукаць уваходы і выхады ў новае жыццё і не дайсці да крызісу. Усё гэта абмяркуем у Беларускім Доме ў Варшаве.

🗓 7 лютага, серада, 18:00
📍 ul. Kryniczna 6
👱‍♀️Удзел у мерапрыемстве – дабрачынны ўнёсак за працу псіхолага
🔗Рэгістрацыя

Пераезд — гэта крызіс, а ў крызісе мы рэгрэсуем. Эмацыйных рэсурсаў нашага “ўнутранага дарослага” не хапае на падтрымку “ўнутранага дзіцяці” таго ўзросту, у які мы правальваемся. У выніку — моцнае пачуццё бездапаможнасці, як у дзяцінстве, калі ты ні на што не можаш паўплываць. Можаш толькі крычаць. І ты крычыш.

Калі няма ўнутраных апор і падтрымкі блізкіх — мы ідзем за дапамогай да іншых людзей. Напрыклад, на сустрэчу псіхалагічнай падтрымкі для жанчын у Беларускі Дом. Дзе разам будзем шукаць апоры для сябе і дапаможам знайсці іх іншым.

👉Падпісвайцеся на @BelaruskiDom

⚔️Сёння, 1 лютага 1863 года на землях былога Вялікага княства Літоўскага пачалося паўстанне Кастуся Каліноўскага. Паўстанцы выступілі супраць расейскай улады, але паўстанне пацярпела паразу. Гэты дзень з’яўляецца адным з найважнейшых у беларускай гісторыі

2 лютага — Дзень нараджэння Кастуся Каліноўскага, аднаго з кіраўнікоў паўстання 1863—1864 гадоў на землях Беларусі і Літвы, чалавека, які аддаў жыццё, каб беларусы самастойна маглі вырашаць лёс свайго краю.

Прыгадваючы сёння беларускага героя, мы ладзім КОНКУРС, у якім пераможца атрымае цішотку з пагоняй і нядаўна выдадзены часопіс пра Кастуся Каліноўскага.

🔥Каб паўдзельнічаць, пераходзьце ў наш Instagram.

⚡️Да ўвагі журналістаў!

2 лютага, пятніца, у 13:00 у Беларускім Доме ў Варшаве (ul. Kryniczna 6) адбудзецца прэс-канферэнцыя камандзіраў Палка імя Кастуся Каліноўскага.

Слова возьмуць:
◾️Дзяніс ‘Кіт’ Прохараў — камандзір палка Каліноўскага,
◾️Вадзім Кабанчук — намеснік камандзіра палка.

На прэс-канферэнцыі падвядуць вынікі тура кіраўнікоў Палка па еўрапейскіх гарадах, а таксама адкажуць на Вашыя пытанні. 

На сустрэчы плануецца паслядоўны пераклад на польскую мову.

❗️Увага! Уваход на канферэнцыю ТОЛЬКІ для прадстаўнікоў медыя❗️

🙏Сёлета спаўняецца 400 гадоў з дня пакутніцкай смерці св. Язафата Кунцэвіча. Большую частку жыцця ён правёў у Вільні, і яго лёс быў непарыўна звязаны з Берасцейскай уніяй і стварэннем грэка-каталіцкай царквы.

Хочаце больш даведацца пра гэтую спрэчную постаць? — Прыходзьце на літоўска-польска-ўкраінска-беларускія дэбаты, прысвечаныя памяці св. Язафата Кунцэвіча. Падзею ладзяць 🇱🇹Амбасада Літоўскай Рэспублікі ў Польшчы і @BelaruskiDom.

Госці падзеі ўбачаць выставу «Каб усе былі разам: 400-годдзе пакутніцкай смерці св. Язафата Кунцэвіча».

🗓️ 6 снежня, 18:30
📍 Ul. Kryniczna 6
👀Уваход вольны, але трэба пацвердзіць удзел праз events@belaruskidom.eu

Удзельнікі дэбатаў на польскай мове:
◾️Генутэ Кіркене, Віленскі ўніверсітэт
◾️Губерт Лашкевіч, Усходнееўрапейскія даследаванні, Варшаўскі ўніверсітэт
◾️Алег Турый, Украінскі каталіцкі ўніверсітэт у Львове
◾️Віктар Якубаў, незалежны беларускі навуковец

Шчыра запрашаем!