خماریمه

عشقه وایه څه ته دي په کاریمه
عشقه وهرڅه ته دي تیاریمه

عشقه دکوثرجامونه راکړه چي
عشقه دڅښلویی خماریمه

عشقه زه دوخت منصور جوړ شوی یم
عشقه رسیدلی ان ترداریمه

عشقه زه په تا پسي خراب یمه
صرف ستادلیدو په انتظار یمه

عشقه لږسکون دي راته راکړه نور
عشقه په غمونو باندي باریمه

عشقه ته مي وګنډه زخمي زړګۍ
عشقه ته مي ستن شه زه دي تار یمه

عشقه اباسین له ډیره وخت څخه
عشق ستا په عشق کي ناقرار یمه

اباسین منصوري

💔غـــــــــــزل💘

زړه مي سوری سوری انګار لکه غزه دی اشنا
د یو چـــا یــاد له ډيره وخته راسره دی اشنا

چي د ګلاب ښایسته ګورمه نو ته رایاد شي
دا تصور مي په خیالونو کي دمه دی اشنا

دا چي مي ویني پر ګریوان دا جوړ سیلاب له پاسه
دغه د اوښکو جوړ کتار دی باران نه دی اشنا

زیړ ماذ دیګره ده پخوا څِهره کي نه ښکاریږي
لکه چي بیا دي پر موسم خزان میلمه دی اشنا

الیاسه څنګه به د ژوندن چاري دردمني نه وي
نن دي ده څنګ یار دی سبا درنه خفه دی اشنا

الیاس حقاني

دهجرشپه💔!!

په زړه کي مي دهجرسره لمبه ده !نیمه شپه ده
جانانه ستادیاد بله ډیوه ده !نیمه شپه ده

حیران یمه چي ولي مي دازړه نه قراریږې
راغلې دردونوقافله ده !نیمه شپه ده

ظالمه زمادهیلوقتل عام دي شروع کړۍ
ماتم دۍ زمادهیلو جنازه !ده نیمه شپه ده

فکرونودهجران یم داسي وړی نادرک یم
راوړې مې چنارلره دمه !ده نیمه شپه ده

دکلي ماشومان مي ټول په کاڼوباندي ولې
پرمایه جوړه کړې تماشه !ده نیمه شپه ده

راځې که یه دیدن ته مهاجرپرزکندن دۍ
جاري یه ده پرژبه کلیمه ده!نیمه شپه ده

مهاجرهروي

مدبر_امیر
ملا اختر محمد منصور رحمه الله

چې د خدای دین ته وفادار پاتې شو
سوی وجود په سور انګار پاتې شو

تاریخ یې جوړ دی په سرو وینؤ د تن
دومره مظبوط پر دغه لار پاتې شو

شهید امــــــیرالؤمنین مـنصوره
نوم دې زمونږ پر زړؤ تکرار پاتې شو

ټوټه ټوټه ایـــــره ایــــــره بشر یې
د ړنګو پلونو یـــــې غبار پاتې شو

د وینؤ رنګ یې اسلامي أمت ته
سپرلی سپرلی بهار بهار پاتې شو

بدري طالب د زړه پر ورانو دښتو
نوم د منصور پرې ستر یادګار پاتې شو

بدري طالب

د ټولو انبياو رسولانو په افضل
مدام  دي وي سلام داتلانو په اتل

په حسن اوښکلاکي ، په نور اوپه رڼاکي
سپوږمۍ دڅوارلسمي ، ترې کمه وه ځلا کي
خبري يي خوږې وې لکه شات لکه عسل

ريدي دی که ريحان دی ، غاټول که ارغوان دی
خوشبولري ترې ډېره ، که ګل که ګلستان دی
محبوب د مؤمنانو د حجاز د ګلاب ګل

صاحب د ښوصفاتو ، د سترو کمالاتو
ويلی پرې سلام دی ، بې روحه جماداتو
نوځکه دښمنان يې ترانعامو دي اَضَل

معصوم وُ له ګنا نه ، له هرقِسم تَعْدا نه
له هرچاسره نرم ، چلند يې وُ څاروانه
رؤف وُ هم رحيم په مؤمنانو مکمل

پام کوه!!

مزل کوه په هرقدم باندي دي پام کوه
کشره قرباندي شم دمشر احترام کوه

سترګي څلورکه دنظام دحفاظت لپاره
دهرشریرپه مقابل کي ښه اقدام کوه

چي راتاونَکړي پروجودباندي څادردکبر
په عاجزی دي دحیاپوره احرام کوه

دورځي سل ځله الفاظ دشکروایه ګوره
له خدایه شکرباسه شکردانعام کوه

که خیرغواړي ددارینومهاجرهروي
نو په اقوالو دهرشیخ دهرامام کوه

مهاجرهروي

ای ترخاورولاندې قــلندره سر را پورته که
وګوره لښکر دې ملا عمره سر را پورته که

هاده خړ سنګر ملنګ طالب درته راغلی دی
نــن درته راغلی له دفتره سر را پورته که

تاچې کړی وو ده حق قیام په کمه لاره کې
ستا لاره سپېڅلې وه رهبره سر را پورته که

ستا له حقیقي قیام جهاد له برکت مشره
ستالښکرحاکم شودزړه سره سر را پورته که

تاچې کم ارمان ته ګل ځواني خاورې قربان کړله
ستا ارمان پوره شوسِکندره سر را پورته که

ستاپه دیانت اوعاجزۍکې خوهېس شک نه وو
ستامسیرښکاره وولکه لمره سر را پورته که

ستالښکراوس راج کړي په هیوادای قلندرمشره
مات یې ده سلیب کړلولښکره سر را پورته که

یادبه دې قسیم بدري شعرونوکې تل یاد ساتم
وې ده مسلمه اومــت دلبره سر را پورته که
قسیم بدري

وغــــږوه پاڅــوه نغمې له خوبه ويښې کړه
شؤرجوړکه سپرلیه نغارې له خوبه ويښې کړه

څنډ ورکــړه نسیمه چې غوټۍ ګلــونه وسپړي
غــزلې د بلبلو زمــزمــې له خــوبه ویښې کړه

داسپېره وطن ته زرغــونې جامې ور واغــونده
څاڅکي دباران راوړه چینې له خوبه ویښې کړه

وپــاشه نــرګسه چمبـېلیه خـــپل زاتـي عطــر
وناڅه لــٶنـګه هیلې مــړې له خوبه ویښې کړه

بــاسه د نفــرت ریښې پخپل جادوګــري اظهار
نوردمحــبت ویدې ریښې له خوبه ویښې کړه

راولـــه رڼــاوي د خـــوښـــيو محفــلونـــو تـــه
جوړې که شغلې تیتې ډېوې له خوبه ویښې کړه

(وثیق ذکوان)ته وکړه په پستوشونډو يوه مُسکا
زړه کې ېې کیسې دیارانې له خوبه ویښې کړه

پسرلی دی

څه ګلونه یي ټومبلي په اوربل دي
زړونه څُمره دي خوشحاله پسرلی دی

په هرځای کي ده بلبلو چِغهار دی
قلقلي دي الله هو دی کار غمی دی

ژوند نیولی ده خوښیو نیک قدم دی
پیغلي هیلي په نڅا دي خوښ زړګی دی

جوړ منظر دی زاڼي راغلي تر چناره
ده ځنګلونو ده خوند ډک مازدیګری دی

پسرلی دی نوی کال اختر نیږدي دی
خوندور بیا ده روژي هر پیشلمی دی

شين سهار ده پُسرلي هوا ده خُکلي
اُوس په پيغلو ښايسته هر ګودری دی

أزآدۍ سندري وايې مرغان غروکي
په وطن کي ښه په آمن هر سړی دی

پسرلیه په اُمید ستا ده راتګ هم
ده عاصم آشنا ده هیلو نهالګی دی

عاصم آشنا

دا حلات به مې زرور اقصاء ته بوزي
شهادت به مې خپل لوی الله ته بوزي

اورمیږونه به یهودو باندې تاو کړم
که مې خدای وه د غزې غزا ته بوزي

زه که خدای په دین شهید کړم بیابه وایم
لوی الله مې دې بیابیا دنیا ته بوزي

نن ته ژاړه ای مظلوم د فلسطینه
هو!!زلمي شته چې یهود ژړا ته بوزي

ستا په څنګ کې دا غلام حکمرانان دې
لوی الله د لوی دوزخ سزا ته بوي

لوږه، تنده، سره زخمونه غټې اوښکې
دا حسان کوچی به خود امساته بوزي

حسان کوچی